何展睿舉行新歌MV發佈兼開音樂會慶祝生日

唱作歌手何展睿(Steve)早前為搖滾新歌《套戲未做完》舉行MV發佈會,並於當晚同步舉行首次個人迷你音樂會。他表示新歌無論曲風、形象、唱功跟演技同樣有突破性的挑戰:「歌曲既搖滾風格係我第一次接觸,音樂感好重,所以形象上同拍攝MV上都要好有動感,自己為咗首歌活出真我既主題都獻出人生第一次,反串扮演女生,無論妝容、衣著、髮飾、眼神、笑容、動作都要扮一個女生,真係好大挑戰!」

發佈會進行期間Steve跟演員、拍攝團隊分享拍攝及後期製作過程,表示新歌有別於從前:「新歌繼續自編自導自演,實行有幾多比幾多既精神,但因為歌曲音樂感重,需要係後期製作加入大量動感效果,都修改咗至少一百個地方。而最特別就係MV最後加入「壞電視」效果,用咗好多心機去做,希望大家都鐘意同睇到我既用心同蛻變!」

此外,當晚除了作新歌MV發佈外,更舉行首次個人迷你音樂會,問到Steve為何有這樣安排,他表示:「因為今次舉行既場地都係做開Live Show,加上疫情下好難得可以集合一班支持自己既粉絲,所以就順勢舉行一個音樂會,算係自己一個小小既音樂成果總結。雖然係小型音樂會,但我都好認真對待,音樂會以「真我˙音樂˙感謝」為題,主要表現自己動感及靜態。今次音樂會自己都用盡力,燈光、編排、司儀通通都有參與,為咗音樂會都將之前秘密練兵既成果展示出嚟,打鼓同首次以結他自彈自唱!之前疫情期自己努力練結他仲考埋試,實行自我增值呀!」

講到當晚最特別環節要算是粉絲於音樂會上送上驚喜,為他慶祝9月生日。他感動不已:「新歌係自己生日正日9月26日全面上架,寓意一個全新既自己。我叫Fans唔好買生日禮物,將心意捐比動物團體會更有意義!」而Steve因為想到各方好友由出道至今仍落力支持,去到音樂會尾聲一度感觸落淚,得到全場鼓掌支持,場面十分感動。

浩楠

Stars-hk 創辦人, 希望建立一個只談專業, 不談八卦的娛樂資訊網站。