鍾雨璇 元朗大棠有機生態園擔任水上活動《Splash N Fores》表現嘉賓 獻唱新歌《Save A Life》

鍾雨璇(O3、前名蘇慧恩) 、電音組合 Cardo 、本土Rap組合雷老虎(Lee Roc)成員包括52_hertz 及Madd. Fatty 於元朗大棠有機生態園擔任水上活動《Splash N Fores》表現嘉賓。當日風和日麗引來大批人士入場參與水上活動及觀看表演,而現場氣氛熱烈,觀眾反應非常興奮投入。

鍾雨璇於活動中演繹新歌 《Save A Life》,O3 興奮表示:「今次現場演繹嘅新歌《Save A Life》係好特別既版本,本身首歌係由heartgrey 負責rap 部分,今次就由Cardo 現場演繹嶄新版rap部分,Cardo 嘅一名外國成員現場freestyle rap 英文令台下觀眾更加興奮,直情興奮到用水槍射上台,仲射咗落我塊面同隻眼,自己枝mic 都濕咗,連Cardo 既DJ 枱都濕埋,嗰一刻我幾驚啲器材會壞,好彩都順順利利完成哂表演。今次個show 真係好好玩,除咗同Cardo 大玩電音之外,我仲同本地rapper 52_hertz 合唱,希望接住落嚟可以同更多唔同嘅DJ或rapper 合作,推出更多電音歌曲。」

Cardo 表示: 「 今次個表演好順利,好開心表演之後有觀眾稱讚我哋個表演好特別,其實以前響外國生活都會去睇音樂節,我哋好想將更多嶄新嘅電音文化帶來香港,其實外國好多DJ 組合都會將唔同既元素加入去表演裏面,今次既表演我哋都希望可以豐富啲,我哋除咗DJ枱打碟部份,亦都加入色士風同鼓兩種樂器,有幾首歌曲我哋更會rap 埋,配合埋dancer跳舞,咁樣畫面就會更加豐富,見到台下嘅觀眾咁投入,我哋都好有滿足感。」


首次同O3合作嘅52_hertz 開心回應:「場地真係好正,真係想即刻跳落水玩水上活動,今次同O3第一次同台演出,一邊唱一邊有水槍射上台嘅感覺,真係感覺好有盛夏氣氛,希望疫情過後本地可以搞多啲大型音樂節,俾大家都可以放鬆一下!」

浩楠

Stars-hk 創辦人, 希望建立一個只談專業, 不談八卦的娛樂資訊網站。