「最索丫鬟」陳婉婷Hebe 望返娘家拍劇

陳婉婷Hebe、李穎思Winsy、姜浩恩Tracy 日前 現身直播平台Uplive廣告拍攝，Hebe 笑言直播成為收入主要來源，但不會放棄任何演出機會：「之前都有幫ViuTv做節目，依家手上都有啲項目傾緊，其實咩台都冇咩所謂，最緊要有得發揮，我喺邊度拍戲、拍劇都冇所謂！（如果TVB搵你返去呢？）依家志偉哥做咗高層，唔知佢哋會唔會搵我，但係只要有好節目、好角色，當然想參與其中！」

Hebe 預告將為Viutv 拍攝靈異節目，但她自認細膽怕「惹禍上身」：「呢個節目話要幫我『轉運』，我都講明鬼神嘢唔好搞我！依家好似話幫手轉事業運，等我唔洗成日做丫鬟。因為以前電視台實習時得幾千蚊任做，幾日都冇得返屋企，休息室瞓覺時『比嘢責』，所以嚇到怕！上星期做直播分享翻呢段『往事』，Fans突然話我後面多咗個人，唔知佢講真定講假，嚇到我即刻熄機上床瞓覺！」

左起: 李穎思Winsy、陳婉婷Hebe、姜浩恩Tracy