音樂劇《唯獨祢是王II》王祖藍發夢唔記得台詞

王祖藍、鍾舒漫主演的原創聖經音樂劇《唯獨祢是王II》已進入倒數階段,為了以最好狀態演出,近日忙於處男電影《你咪理,我愛你!》後期工作、錄影內地綜藝節目《沒想到吧》、照顧待產太太李亞男的王祖藍,不但經常內地香港兩邊飛,為了將每個崗位做到最好,每日更平均只有兩到三小時睡眠。
雖然嚴重缺乏休息,但祖藍綵排時絕沒有「揸流攤」,平時講嘢陰聲細氣養聲的他,只要一埋位就放盡喉嚨挑戰高音,動作場面亦「劍劍有力」,狀態甚佳。而未知是巧合還是導演方家煌厚愛「加料」,祖藍在劇中有不少抱B場面,祖藍亦成功將慈父一面演繹得淋漓盡致,被取笑是為即將榮升爹哋「預演」。祖藍亦坦言對於囡囡誕生一刻既緊張又期待:「 日子愈近,就愈期待。我已經同工作人員講定,將來就算幾忙,都至少留夜晚時間畀我返屋企見吓個女,因為一定好掛住。」不過問到祖藍囡囡預產期時,他卻大賣關子,並謂:「快架喇快架喇,總之2019年之前啦。」

談到花了接近兩個月時間排練《唯獨》,是否已對劇本滾瓜爛熟、充滿自信時,祖藍卻謂:「唔係呀,因為都真係好多嘢要記。我呢排成日發夢自己一上到台唔記得晒啲歌詞同對白,壓力雖然係有,但呢個劇我真係做得開心嘅,因為同台前幕後成日對住,好感受到大家嗰股衝勁,好似返番讀演藝嗰陣咁。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。