莊思敏上海賽車有櫈仔企

過去一年密密拍戲的莊思敏（Jacquelin），上星期到上海參加由FRD舉辦的Clio Cup.賽車，一年冇玩賽車的她依然有爆炸力，勇奪季軍，對賽果感到滿意。Jacquelin說：「最近忙完《碟仙碟仙》大馬宣傳，返香港之後又參與肥Wil(錢國偉)婚禮嘅姊妹團，之後又飛上海賽車，唔夠休息吓病咗，頭暈暈兼冇胃口，再加上嗰幾日係每個月唔係咁舒服嘅日子，所以呢次比賽喺體能應付上係最辛苦嘅。」

上海賽事共分兩場，Jacquelin在第一場賽事中開車兜了一個圈後發現其車輛有零件斷開，行都行唔郁，唯有被迫放棄；到第二場，與六位賽手作賽，今次Jacquelin終於可以順利發揮技術兼奪季軍，故她對個人表現已感滿意：「上海呢一站，我會視作為澳門比賽前嘅熱身賽，因為始終都有一年冇玩賽車，我會努力準備下一場架啦。」