組合All for One 出席勁歌頒獎禮 實力被受肯定


日前,勁歌金曲2020頒獎典禮已經圓滿結束。各個奬項都塵埃落定,先恭喜各位得獎歌手。各位喺過去一年嘅努力,大眾粉絲樂迷都有目共睹。其中最令人好奇莫過於頒獎典禮中比較「另類」嘅一個組合All for One。近年,的確比較少有樂團被邀請參與「勁歌」頒獎禮,對於樂團嚟講,對上一次嘅勁歌金曲頒獎典禮已經係2012年嘅RubberBand 當選組合金獎。


All for One, 由5人組成,中間經歷成員嘅變動,最後以現時陣容出道。分別係團長/結他:俊熏、主音:Aiden、結他:梓朗、鼓手:Eric及Bass手:Jackie。成團大約年半嘅時間,2020夏天憑「點火」一曲嶄露頭角。而「點火」一曲可以說得上係誠意之作,亦都得到好高嘅評價。由結他獨奏揭開序幕,扣入澎湃嘅節奏動力,加上音樂MV找來葉文龍導演執導。絕對係近年香港有實力嘅樂團之一,不容忽視。能夠參與勁歌金曲嘅開場表演,足以證明樂團開始受人注視同肯定。主音Aiden表示:「能夠參與勁歌頒獎典禮其中,確實係好榮幸,日後希望用我哋嘅音樂去得到更多肯定。」寄望All for One 來年能為樂壇與及樂迷帶嚟一股新動力。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。