鄭秀文(Sammi)相隔4年再推出廣東專輯，最近第一主打歌《荒漠甘泉》網上hit爆，原來這首藍奕邦作曲， 黃偉文(Wyman)填詞的歌是兩年前的作品，日前Samm為這首歌拍攝MV，她i說：「Wyman兩年前睇咗我喺『LOVE ME 演唱會』既一段獨白，當時單身獨行既我話自己dry爆，於是佢就寫咗呢首《荒漠甘泉》畀我，鼓勵我！嚟到今日我聽返呢隻歌，細味歌詞，其實唔淨係講我一個人，係講緊世上千千萬萬既獨行，仲係單身既人，不管男女，只要保持信念，相信上天自有安排，為你安排生命中的另一半！」
Sammi成功告別dry爆的日子，向她指教兩招?她哈哈笑說：「其實我無咩法寶，自己都等咗好耐，哈哈哈！單身都有單身既快樂，喺你單身既時候盡量enjoy生活優哉悠哉，嗰種一個人可以享受自己一個人時間既快樂一個人享受自己幾時，因為你唔會知道緣份幾時嚟，緣份一嚟你就要告別單身既日子。所以我覺行喺個life入面，enjoy上天畀你獨有既時間，到你真係『荒漠甘泉』既時候，『甘泉』嚟到既時候就好好享受滋潤既感覺！」甜到漏。
而作為潮流icon，Sammi這次拍MV就展示了兩款不同造型。駁了一頭粉紫色的長髮的她，其中一款造型是戴上黑色蕾絲髮飾、白色背心、豹紋半截裙、紅色絲襪和五吋豹紋高跟鞋，型到爆燈！再加上著名瑞士腕錶及珠寶品牌伯爵贊助充滿時尚感「Possession」系列頸鏈和戒指，跳舞時閃閃生光，非常搶眼。她說：「今日特別多謝贊助商名貴既珠寶首飾，啲式款我好鍾意，好簡單，線條好靚！(問Sammi駁髮辛苦嗎?)唔辛苦，整頭化妝搞造型係我既工作之一，我對自己有個守則，就係無論咩有造型，都要保持Sammi既特式和風格！」
導演團隊「也文也武」透露會為MV後期電腦加入森林和動物等效果，當日Sammi就要靠幻想，在空白的布景前對空氣做戲， 這當然不會難到影后Sammi，表現自然，令人投入以為她真的在森林和一群野獸在跳舞唱歌，導演大讚她非常專業！
官方MV:
