林奕匡(Phil)新碟《PHILOSOPHY》「感謝祭」 親自到訪唱片店答謝職員老闆


早前推出全新EP《PHILOSOPHY》,以深入淺出的角度,透過音樂與聽眾上了一課「匡」式哲學。在剛過去的週末週日,Phil 先後走勻全港近30間唱片店,並送出易養長青的多肉植物小盆栽,表達謝意之餘,更寓意與各唱片店共同努力,在艱難的環境下繼續努力支持音樂事業。

整個活動的構思,源於 Phil 有感現時無論是做音樂,或銷售音樂產品,生存空間都不容易,為了感謝及鼓勵在艱難市道下仍繼續營業的唱片店,Phil 決定親自到訪,答謝各店的職員和老闆。Phil 說:「雖然話做音樂難,做實體碟更難,但係香港原來仲有超過 30間大大小小CD舖,其實我係覺得Surprise嘅!好開心仲有人好支持佢哋,仲覺得需要實體碟,同埋仲有商舖覺得需要去賣實體碟。」

在 2日內走勻 30間唱片舖,起初 Phil 以為是個 Mission impossible!「諗到冇諗過可以咁樣做,但呢兩日嘅活動真係好有意義。」有別於以往落區舉行簽名會或到店做店長打氣,Phil 除了親自落舖送上鼓勵外,還贈送一盆多肉植物給各唱片舖,寓意與店舖同樣長青,大家都有得做下去。

雖然 Phil 今次的活動只在網上公佈大約到達的時間和地點,但都吸引不少粉絲一早到店守候,希望可以「野生捕獲」Phil!此舉讓 Phil 十分感動,他說:「平日做簽唱會,可能好耐先搞一次,有啲朋友可能做緊嘢,或者地點比較遠而嚟唔到,所以今次就由我去大家就近嘅CD舖,可以同大家見下面。」別以為只有 Phil 四圍跑,有粉絲也跟着「陪跑」,Phil 透露:「有啲人會盡量去多幾間,好似同我一齊跑緊馬拉松咁。佢哋好熱情,多謝佢哋,同樣令到我都有點感動!」

如有任何查詢,請與Sony Music – Raymond Leung @ 9302 2665 | [email protected] 聯絡。

浩楠

Stars-hk 創辦人, 希望建立一個只談專業, 不談八卦的娛樂資訊網站。