姜珈欣拍裝修宣傳片 同虛擬公仔做對手戲感新奇

早前歌手姜珈欣（Nara)為一間裝修工程集團新推出APP拍攝一連十集宣傳片。當中可以與不同品牌Crossover 之餘，珈欣還第一次與虛擬3D 公仔PAPA 合作拍攝，相當新奇。平時做主持和彈唱咁斯文，今次為裝修APP拍攝有咩難度？ Nara：「今次第一次同3D公仔拍攝好興奮好新奇，過程中要幻想公仔坐隔離對戲，眼神角度都要就位等等…都怕拍攝出黎會唔自然，好彩拍攝效果都好滿意。」

再問到宣傳片中珈欣連姜爸都叫埋黎客串，同爸爸拍攝有咩趣事分享？
珈欣：「裝修知識對我黎講係零，幸好爸爸以前係裝修師傅可以請教佢，其中一集我需要有個裝修既「爸爸」，而裝修公司知道姜爸都曾係裝修師傅所以大擔邀請真父女檔演出，諗唔到冇拍攝經驗姜爸一口答應。初初爸爸好緊張之後就慢慢習慣鏡頭，話原來拍片真係唔簡單，爸爸拍攝完仲話係佢既處男作品添，好好笑。呢次合作希望宣傳片出來會有好效果，演咩都冇問題，仲對其他合作既品牌認識多左添。」