陳紫芊除罩感自在 陳麗柔教瑜伽被「踏場」

新城電台節目「Girls 傾」主持陳詩晴(Aura)、何天嵐(Wren)、陳麗柔(Natalie)、林佩琪(Puiki)、 陳紫芊(Elsie)和Elyse日前為新城電台節目「Girls傾」拍攝網上版本,節目中大談「初戀」經過,更自爆愛情經歷!

 

陳紫芊早前參選ViuTv《最後一屆口罩小姐選舉》,笑指參加比賽令朋友不安:「雖然我入唔到決賽,但係節目出街都多咗人認得自己,特別係自己戴口罩個樣,同朋友行街有時會比人指指點點,搞到好唔自在,依家去到餐廳我第一時間會除罩,自己咁樣俾人望都會自然啲」Elsie自爆讀書時期曾經同過同日本人拍拖:原因係覺得佢哋衣着好有品味,又似日劇裏面嘅男主角,所以嗰陣時都幾迷戀日本男!到而家我會選擇同聲同氣的香港人,起碼我講笑話佢哋都聽得明,哈哈!

 

而陳麗柔就笑言「放眼未來」為事業打拼:「依家我會教人做瑜珈,唔止女學生㗎,男仔都會報我啲堂,雖然開頭真係純粹嚟支持吓我,但後來佢哋真係愛上咗瑜伽!最經典就試過有女仔嚟上堂,跟住同我講佢男友好鍾意睇我啲片,專登嚟睇吓我真人,所以真係咩人都會有。」而 Natalie 早前參與 ViuTv 綜藝節目拍攝,她指自己有留意「電視大戰」,與郭嘉駿(193)合作過,但不算太熟,亦力撐對方言論:「其實193 都係講出後生仔心聲,而且言論非常勇敢,個人好 True,好欣賞佢!」

陳詩睛就話剛入行,唔敢拍拖怕比公司「乍型」,自嘲做「戀愛絕緣體」:「公司唔係唔比我拍拖,而係我係一個『戀愛大過天』嘅人,為另一半真係可以付出好多,如果因為做嘢陪唔到另一半,我會發癲架!既然選擇咗做藝人呢份工,咁都要犧牲嘅,咪索性唔拍拖,到自己有成績先再做選擇囉。」

同場的何天嵐分享自己約會時的裝扮,會以小清新清爽嘅感覺去見人,感覺咁樣會女神啲,容易啲吸引異性!另外想自己喺娛樂圈可以有多啲新嘗試!希望自己可以上大銀幕,飾演不同嘅角色!最想合作的演員是張家輝,睇過佢好多嘅電影,飾演好人或壞人都入型入格,可以近跟佢學習一下就最好了哈哈!


浩楠

Stars-hk 創辦人, 希望建立一個只談專業, 不談八卦的娛樂資訊網站。