UTO娛樂| 超人的能量 | 林超榮：看戲中，請勿騷擾

　　好久不入戲院睇一場戲，就快開場了，旁邊的大叔還在高談闊論：「個女買咗層樓，成千萬，四百呎都無……」

他旁邊的大媽又搭嘴：「係買舊樓最實用，又好住。又好價。」

戲院裏，觀眾未夠十個，都有所反應：殊……殊……殊……阿叔不為所動。

前排的觀眾轉頭，向他發出唧唧聲。大媽也沒有反應。

眼見就快開場，阿叔和大媽談話興致甚高，形勢危急，要撥亂反正，我靈機一觸。立刻拿出電話，高聲說：「喂！我睇緊戲，開場啦唔好意思，唔傾啦，仲講嘢，會被人罵。」

一招指桑罵槐，大叔果然明白我的弦外之音。立刻收聲，安靜看戲。

戲院開場前，雖有提醒觀眾，不要講電話，不要高聲說話，效果明顯不彰。

十年前，任達華拍了一條反盜版宣傳片，不妨再添食，照辦煮碗來一套，「請勿騷擾觀眾睇戲」。

影片劈頭第一句大特寫對住鏡頭向觀眾說：「仲講電話，香港電影被你害死。」

「你們在睇戲途中、不斷高談闊論、劇透、唔熄電話……觀眾睇男女主角演愛情戲，你就講股票；神探就快捉到兇手，你就劇透；律師在法庭陳詞結案，你就喺度議論滔滔，再係咁仲有人入戲院睇戲，『最佳電影』都被我搞到變『PK電影』。」

所以，我支持戴口罩，觀眾入戲院，不許吃薯條、熱狗，繼續全程戴口罩，我睇你仲點會講到嘢。

林超榮