倪辰(Lala)3月19日線上音樂會演唱黃安弘作品

倪辰(Lala)最近同黃安弘(James)有新搞作,原來佢上左James既錄音室,綵排嚟緊3月19號嘅線上音樂會。據知佢到時會唱James既作品如《螞蟻》、《 第一天失戀》、《配角》、《有故事的人》等等。兩人破天荒第一次合作,Lala仲大讚James有才華,作嘅歌路好廣泛,仲話James比到好多音樂上嘅靈感佢添!跟住落嚟佢哋更會為新歌一齊作曲填詞,大家都好期待啊!

講起James,Lala話好開心係一個偶然既機會下識到佢,除咗比左好多音樂意見 Lala之外,James更係佢既音樂啟蒙老師同埋伯樂。

而今次lala亦都非常巧合見到James個女霖霖,佢話霖霖好聰明好可愛 ,仲係佢暫時認識當中年紀最小嘅歌手。Lala亦都透露佢自己本身好鍾意小朋友,所以希望係不久既將來可以同霖霖一齊表演,就算係唱兒歌都冇所謂喎。


而Lala最近都開始籌備自己既第一個個人演唱會,預祝佢演唱會成功,最緊要有大家支持啦!

浩楠

Stars-hk 創辦人, 希望建立一個只談專業, 不談八卦的娛樂資訊網站。