郭奕芯、《造星2》歐鎮灝為bossini拍攝秋冬造型照


近期因ViuTV綜藝節目《辣火頭。開火》而人氣急升的郭奕芯 (Ashina),最近夥拍《全民造星2》十強參賽者歐鎮灝 (George) 為悠閒服裝品牌bossini拍攝秋冬造型照。二人均是首次參與廣告工作,對於能參與其中都感到十分興奮。  從未試過拍攝廣告的Ashina,為bossini奉獻出她的第一次,坦言十分開心,她說:「過去從未試過全日影相影咁多個鐘,今次要著冬天衫喺室外拍攝,雖然熱但都OK,因為拍攝進度好快,整個工作好快就完成,而且大熱天時著冬天衫其實都幾好玩。」

<.center>
齊為bossini拍攝秋冬穿搭照 入行後首個廣告郭奕芯 (Ashina)熱辣辣著冬裝大嗌好玩《造星2》歐鎮灝 (George)害羞又尷尬

最近才簽約ViuTV的George演出經驗不多,今次與Ashina的合作對他來說也很新鮮,說:「過去只拍過《造星2》,今次算是比較特別嘅體驗,而且有一定難度,因為我係第一次為咗工作拍攝情侶照,過程有啲緊張,又表現得有啲怕醜同尷尬,因為我好少咁樣同女仔影相。」


較少運動的Ashina,很喜歡新一季bossini服飾,她解釋道:「平時做運動我懶得襯衫,所以會鍾意一啲方便嘅配搭,譬如我呢一身sports bra加風褸嘅裝扮,方便我可以除低風褸就即刻開始運動。」

至於George在加入ViuTV後即與另外兩位同樣來自《造星2》的吳啟洋(Phoebus)及葉振弘(Marco)拍攝類似《美女郊遊遊》的綜藝節目,所以近期較喜歡一些比較吸汗的衫及富有彈性的風褸,以便進行戶外拍攝工作,至於日常則較愛工裝褸,他說:「而家比較流行工裝褸,袋夠多功能較大。」二人另外被問到可會為另一半置裝,Ashina笑言:「我平時都好鍾意買嘢比另一半,同George影合照時著嗰件綠色外套,會係個好好嘅選擇。」

George則說:「我係會買衫俾女朋友着嗰一嗰嚟嘅,因為以前女友唔識襯衫,所以我都會幫佢襯埋。」 中秋節將至,問二人將會如何度過,Ashina表示不會特別慶祝節日,但佳節當前,她都會吃月餅應節,至於George就因為屋企較注重節日,所以由細到大每逢中秋節,媽媽就會提他回家吃飯,他更說:「其他較難忘嘅係細個會落街同朋友捉伊人玩燈籠食月餅,好有節日氣氛。」

另外,近期Ashina因為拍攝《辣火頭。開火》而廣為人熟悉,問她可有想過往後要如何走她的演藝路,她說:「我冇為自己設定要拍啲乜嘢類型嘅嘢,或者作為藝人要行乜嘢路線,其實我作為演員當然希望可以嘗試多啲唔同嘅工作,而認識我嘅人可能睇完《辣火頭。開火》而覺得我幾適合拍綜藝節目。其實拍《辣火頭。開火》真係有笑有淚有辛酸,都係一個好好嘅經歷,同時亦發現我喺好多地方都需要檢討同埋學習,不過我最希望之後可以多喺電影方面有發展。」而剛與ViuTV簽約的George將會繼續學唱歌、跳舞及做戲,想多方便接觸。

bossini秋日新品現於港澳bossini分店及網上商店www.bossini.com發售。荃錦中心、將軍澳新都城中心、中環德輔道中、銅鑼灣駱克道、澳門殷皇子大馬路、天水圍嘉湖、橫頭磡樂富廣場、彌敦道太平洋大廈、元朗廣場分店除外

浩楠

Stars-hk 創辦人, 希望建立一個只談專業, 不談八卦的娛樂資訊網站。