蘇慧恩飛新加坡減壓 尋找音樂靈感


歌手蘇慧恩(Ophelia)出發新加坡旅遊減壓,於當地尋找音樂靈感,她説:「之前宣傳《一馬平川》既時候,每日既活動都排得好密,因為作息時間比較少,所以成日病,差唔多連續食左兩個月藥。依家終於可以忙偷閒去星加坡走番轉輕鬆下。去星加坡之前,我自己都搵左一啲有得聽下當地Liveband 既地方同活動,希望新一年搵啲音樂靈感,可以既話,想自己可以再次推出一首自己作曲填詞既作品。」

被問及《一馬平川》獲得《新城電台勁爆頒獎典禮》的《最佳監製獎》有什麼感受,Ophelia表示:「好開心可以同黃安弘合作,佢係一個好好嘅音樂人,佢拎到奬項好戥佢開心,希望多啲人認識《一馬平川》呢個新既新年祝賀語,同埋嚟緊今年都會推出多幾首歌,希望下年可以再做好啲,響頒獎典禮有更好嘅成績。」

浩楠

Stars-hk 創辦人, 希望建立一個只談專業, 不談八卦的娛樂資訊網站。