蘇慧恩儲錢買七人車 但首先要去考番個車牌

歌手蘇慧恩(Ophelia)出席香港國際超跑俱樂部的開幕典禮，現場放置超過50架名車，場面熱鬧，一眾車迷反應熱烈。被問及有否曾經坐過超級跑車，Ophelia 表示:「因為轉型歌手前，我曾經為林寶堅尼車會擔任周年晚會司儀，所以認識了一班跑車發燒友，佢哋都好支持我架，我大大小小嘅活動，佢哋有啲成員都會嚟出席。另外，之前拍攝與DJ Cardo crossover的歌曲《Missing you》時，曾經有一名車主借過兩架林寶堅尼同埋佢嘅住所俾我哋拍攝，記得在車上拍攝的時候，上上落落都要好小心，怕刮花部車就大件事啦！」

開幕典禮現場更有賽車電競，Ophelia 亦忍不住露兩手，Ophelia表示:「細細個有一段時間好鍾意打賽車game， 曾經都好鍾意跑車，但依家大個咗比較鍾意大大架嘅七人車，因為可以載住一家大細一齊去玩，成家人揸車去啲偏遠地方郊遊真係好開心，同埋小朋友同老人家坐七人車都會比較舒適啲，所以遲啲有機會真係要考番個車牌，儲下錢買部七人車載爹哋媽咪周圍玩下。」