《大盜演》秦沛 姜文杰父子「鬥戲」賀歲 李璨琛領軍放天燈祝願大豐收


由李璨琛監製,鍾盛遠、錢江漢執導的喜劇《大盜演》定檔於鼠年(2020年)賀歲檔上映!電影由李璨琛、姜文傑、秦沛(Paul哥)、詹昊宸(詹瑞文)、曾美慧孜、樂瞳、何華超、胡慧沖等一班笑匠演出外,也起用了不少新人如楊柳青、唐貝詩、鄺家瑜(Maryjane )、潘伯仲、邱芷微、林慧倩、余曉彤、湯加文等一同演出。


賀歲片《大盜演》在曼谷拍攝,劇組也入鄉隨俗,放天燈許願順順利利取個好意頭;由監製李璨琛帶領大家進行放天燈許願行動,一眾戲中演員都在天燈寫上願望,一同祝電影大賣及拍攝順利,之後交由工作人員從曼谷送到清邁放!而今次最特別的是邀來金像影帝級前輩秦沛加盟,特地由加拿大來到曼谷參與拍攝的Paul哥,以行動支持仔仔姜文傑,也是為李璨琛打氣!在戲中擔綱一個重要角色,其中一場重頭戲更睇到監製李璨琛眼濕濕。

今次是秦沛和姜文傑父子檔首次上陣合作賀歲片,雖說上陣不離父子兵,但也沒有親情講,仔仔姜文傑笑言:「整套戲最貴片酬係佢呀,哈哈!今次Paul哥戲中既角色,我唔可以透露太多,但佢有場好重要既戲分,亦係整套電影好大既轉捩點,戲中佢會同我地成班後輩講一番肺腑之言,大家都被佢感動。」而作為爸爸就話:「很開心看見兒子不斷進步,一直都支持佢入行,見到佢會做啲我唔識做既野好似寫歌咁,我都好開心!好多人成日問我地番到屋企會唔會講公事,係唔會!我地食飯就係閒話家常。」

一眾演員當中,除了詹Sir同曾美慧孜搞笑狂擺pose搶鏡之外,身為監製的李璨琛同時兼任主演,可謂分身不暇,提到也是「陳果幫」的胡慧沖,兩人老友鬼鬼,一拍埋就大放笑彈,李璨琛話:「當年拍陳果的《香港製造》識咗Roger,《大盜演》在泰國拍攝,又點少得搵埋而家成為泰國通嘅佢?」戲中飾演泰國當地人的胡慧沖也入型入格,不時在片場教大家講泰文,整個拍攝也在充滿笑聲中順利完成!

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。