BINGO紅雨扮兔舞住快閃鬧市

跳唱女子姐合Bingo成員關嘉敏Carman、夏子涓Queena及陳康琪Odilia雷暴及紅色暴雨警告信號都親自走到鬧市表演自己的新歌。她們說其實公司已於一個月前秘密決定復活節期間宣傳新歌,因天雨關係,三女穿著兔仔裝只能走到旺角東及尖沙咀鬧市宣傳新歌《後街女孩》,更派送朱古力復活蛋及特製《後街女孩》咭片送給途人去慶祝復活節的來臨,但Bingo卻被蒙在鼓裏,只是當天準備化妝髮型前才接到兔仔服裝及被通知去街頭跳舞的任務,三女接過服裝後頓時啞口無言。

最近天氣又冷又熱,穿上可愛兔仔裝的Bingo開心地自拍,Queena:「我係第一次著兔仔裝感覺好似睡衣,雖然我聽到要著住佢落街跳舞好驚,因為咁大個女唱歌表演機會多,但係今次真係有啲怯。」而Odilia更興奮表示:「咁可愛嘅造型真係第一次,仲要夾到復活節做呢件事,我哋三個都擔心下次公司會唔會要我哋向母親節扮大肚向街到跳後街女孩,哈哈。」

當旺角東去尖沙咀快閃時,Carman跳到尾段感不適,硬著頭皮把舞跳完,上車後感到頭暈頭痛,Carman:「可能唔夠訓又有啲焗,岩岩又淋左少少雨,跳跳吓都覺得頭暈,但係都跳到近尾就諗住頂硬上埋個尾,但係一上車就開始頭痛,我唔敢講出嚟,因為我哋既然出得嚟,又可以用舞蹈去分享我哋嘅音樂,所以我一定要扮無事跳到尾,跳埋最後好似如釋重負一樣。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。