林煥騫(Wicol)入行首個音樂會 李紫彤為演出苦練舞功

2019香港男新人林煥騫(Wicol) 起初由唱一套電影《青春戰記》的插曲而入行,也曾經參加如《快樂男聲》及《中國新歌聲》的多個大型歌唱比賽。一直鍾情唱歌係覺得音樂會有將人連在一起的神奇,而與音樂人打造的曲風大多以廣東話歌曲為主,撐好本地音樂。日前他更舉辦入行首個音樂會以歌曲讓大家認識這位樂壇新人。TVB藝人姚亦澧(前名:姚浩政)和苦練舞功的李紫彤(Crystal)到場擔任表演嘉賓之外,著名形象指導許嘉浩(Karl Hui)更從深圳時裝周活動趕回來支持。

一口氣唱了多首耳熟能詳的歌曲後Wicol表示:「今次舉行呢個音樂會在籌備同排練過程上真係好辛苦,但係覺得好值得! 因為聽到好多好好嘅評語同由心而發嘅鼓勵。即使過程有幾辛苦都好,當上到台上見到一眾支持我嘅朋友呢個時候都忘記曬所有嘅辛苦。而最特别嘅係我屋企人都有到場支持令我覺得好窩心好感動,因為我好少正式喺佢地面前表演唱歌。」

談到表演不單只是唱歌,他表示知道開音樂會當然要加跳舞元素,要多謝好友李紫彤(Crystal)抽了很多時間跟自己排舞和表演。很Enjoy Live Band音樂的他又多謝The Fool Band 幫他做了好多適合他的新風格新編曲,在Cover歌之中帶點新鮮感給大家。 而踏入新一年Wicol將為自己首支單曲《琴留感》派台,多謝Desmond H作曲和龜龜填詞,為他度身訂造了一首自己很有信心唱好的歌,也很開心在音樂會首次演唱後大家反應也很好。


在音樂會上唱到容祖兒歌曲《越唱越強》大為感動, Wicol話:「最想係同容祖兒合作啦,因為佢既歌真係陪住我成長,我都係佢既歌迷。仲好欣賞佢嘅工作態度,佢有一間好好既同好勁既團隊。即使喺樂壇有好好成績都無怠慢,反而係不斷追求進步同突破。呢一種亦係我敬佩同埋需要學習既精神。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。