薛家燕屹立娛樂圈60年 Captain Nancy MV發放正能量

薛家燕即將於12月4 – 5號在紅館舉行「六褔珠寶呈獻:薛家燕愛你無限60年演唱會」,演唱會主題曲Captain Nancy正式面世,早前MV預告片一上線,網民讚旋律易記,歌詞貼切且琅琅上口,更被網民預言演唱會將上演「萬人齊跳十字步」景象。家燕姐笑言始料不及網民反應如此熱烈:「我完成演唱會記招當天晚上網一看,嘩!原來有接近十幾萬人睇過!我也嚇了一跳!其實我有細閱大家給我的留言,很多人稱讚Captain Nancy這個MV似賀歲片,意指我們拍得有電影感,錢國偉導演就應記一功。」

家燕姐早前在她電台節目中,率先訪問了負責今次新歌作曲的王梓軒及作詞的C君,家燕姐提及找C君是因為見到他在《Do姐再Shopping》十分生鬼,如找他為《Captain Nancy》 填詞應該好搞笑,家燕姐坦言最鍾意歌詞中有一句「靠我粒癦救地球」,C君即話:「我原先以為呢句要改,結果不用改,好好彩!」負責作曲和監製之王梓軒被家燕姐問及撰寫此曲有否難度時,他大讚家燕姐有別於所有其他女歌手,覺得家燕姐習慣用演戲之感覺去唱歌;二人見家燕姐演唱會海報上作性感打扮,齊說她有廣闊嘅胸襟並正在行胸襟運」。

在Captain Nancy MV中,家燕姐以女俠造型親身出動 「拯救地球」,更邀請了鄭丹瑞旦哥擔任創意總監並擔大旗於MV內飾演做大反派,林敏驄、田啓文、邵音音、唐文龍、吳業坤、胡琳、姜麗文也有參與演出,家燕姐感謝各友好相助:「他們每一個也説過來支持我,不論做咩角色都話冇問題,去到現場點化妝點玩都得!今次MV已經欠下不少人情數,都唔知點還比大家!」

有份參與拍攝MV的田啟文説:「家燕姐入行60年,我可以做到這首歌 MV其中一角,可想而知我在家燕姐心中非常重要和有地位!」胡琳就話今次扮婦孺被唐文龍打,Bianca笑言甘心為家燕姐犧牲:「其實成件事都好Funny,我係後輩都有份參與,所以家燕姐要我做乜都得。」至於Captain Nancy 將會點打大佬? 就要密切留意MV發展了。

家燕姐坦言今次拍攝Captain Nancy MV過程辛苦:「因為我件衫已經非常胸膛廣闊,錢國偉更説要吊威也要我扮型,其實吊威也都幾花體力,好在佢地幾Take就收貨咋!但我希望依首歌可以帶到啲正能量俾社會,現今社會生活好大壓力,希望大家可以俾多啲愛同關懷身邊嘅人,分享多一啲歡樂俾大家,無乜野係解決唔到,我Captain Nancy隨時為大家效勞!」

【十字步2.0】究竟係啲乜?

家燕姐話:「十字步係《皆大歡喜》而為人熟識,跳左廿幾年,今次紅館演唱會想加入新意,所以搵左SUNNY WONG舞蹈總監黎幫手,【十字步2.0】加入用手跳嘅元素,大家要睇多幾次學識點跳,到時全場萬人一齊跳玩個場面就好震撼喇。」

浩楠

Stars-hk 創辦人, 希望建立一個只談專業, 不談八卦的娛樂資訊網站。