[Stars Girl] 星座少女Staries 新歌《男孩子們》大挑戰

今次我哋再次請到組合星座少女Staries講下佢哋啲新推出第二首新歌《男孩子們》,早前新成員易佩詩Cecilia透過踢館賽並贏得冠軍下加入了Staries,而Staries不知不覺成立了一年,隊員Cman就覺得唱歌跳舞上有好大的進步,而隊員Poyiu就覺得呢一年得到一些體驗,呢行吾易走,但在夢想的前提下她仍希望堅持著這份信念,希望有天能成功。隊長Emma就覺得因為係女團啲關係,吾開心的事都可以大家分享,可以互相傾訴和扶持。
講到新歌《男孩子們》講述女生不滿男友壞習慣,但男友死性不改,令女生又愛又恨。這首歌是一首唱跳快歌,歌詞很多又急,又要跳舞,所以都有幾大的挑戰。這首歌會走型格路線,會有少少性感之餘,會有些除外套的動作和櫈舞。《男孩子們》邀請了著名作曲人C.Y.Kong編曲和著名填詞人林若寧填詞。

她們坦言對新歌有共鳴,其中Cman大呻:「我遇過掛住打機多過理我嘅宅男,喺唔知情嘅情況下做過第三者,唔知點解要玩地下情嘅學長,真係好似冇遇過好人咁,我仲試過男朋友送花畀我係送劍蘭。」Emma亦謂曾交過一個比自己細的男生:「好多嘢唔夠體貼成熟,如唔記得紀念日,約咗我但臨時嗰日唔記得,我就好嬲!」Poyiu更試過前男友一腳踏兩船:「而呢首歌正好讓自己把呢份怨氣抒發出來!」三女講起男生即停不到,但Cecilia卻搭不上嘴,原來隊中Cecilia從未拍過拖,她說:「有好多嘢都得靠睇劇幻想出來去投入首歌到。」其他成員亦謂將來她識男仔要帶回去給大家過目。她們又謂入行後反而識不到男仔,因為她們四人經常在一起,放工又只想回家休息,但現時都不急於拍拖,事業為重。

現時香港的女團組合比台灣、韓國、日本等地少得多,Staries就希望自己能成為香港女團組合的一份子,亦希望香港能有更多出色女團組合,組成百花齊放的一面。
攝:Tommy Tang
化妝:zoey chin beauty
髮型:HAiR
服裝︰ Amenpapa

隊長Emma

Poyiu

新成員易佩詩Cecilia

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。