白健恩請師傅及經理人火鍋團年紅紅火火

2017-01-272017-01-27 浩楠

中國人最重視應節團年飯，為答謝師傅徐家傑及經理人Tiffany(小婷)多年來厚愛，為自己仆心仆命揾機會，小白特別安排團年飯局，一家人應吓節!當然唔會咁行貨淨係食中菜咁簡單啦，三人圍爐食「火龍盛宴」海鮮火鍋，睇到都口水流！

平時非常生鬼的徐師傅加傻大姐小婷齊聲笑小白夠烚吓烚吓，今次竟然拖埋師傅同阿媽一齊落火坑？食火鍋最應景! 徐師傅笑小白屬雞, 食完火鍋雞年傻雞變鳳凰！而小婷鍾意食海鮮,做蝦同做蟹繼續生生猛猛！小白大個仔啦，即時反應: 「因為要紅紅火火！師傅同經理人正密謀電影大計，一定要谷一谷團火!三人孖住上希望雞年事業邁向「新雞峰」！」

小白祝福經理人唔使再咁辛苦，希望食住開心果「霞姐」條路上！期待母子檔在影圈發放開心正能量！亦祝福東網讀者們雞年身體健康開開心心最重要！