替香港首胎導盲犬BB受徽 宣萱養3狗2貓夠晒數

ZL0A6229

由 2012 年開始,香港導盲犬服務中心特別把每年 4 月份最後的星期六,命名為「香港導盲犬日」,除感謝導盲犬的付出外,更希望提高市民大眾關注視障人士的權益。荃新天地不遺餘力,全力支持香港導盲犬服務中心,並於今日在荃新天地2期舉辦「香港導盲犬日 2016」。

9L0A6041

活動上,邀請到愛心嘉賓宣萱以及星級司儀小儀出席,支持導盲犬本地化發展,宣萱更即場體驗視障人士的生活,合上雙眼由導盲犬帶領經過重重障礙,親身感受導盲犬的穩定馴服性。

9L0A6051

笑言每次見到狗狗都會開心到「發癲」的宣萱,今日在活動上可以一次過與廿多隻導盲犬同場,心情亦額外興奮。

「之前拍劇,因為飾演海關,同一隻工作犬日見夜見,我每次見到佢都會好興奮,佢見到我又會撲上我個身,但工作人員話我知,我咁做係唔啱,因為我同佢玩得太癲,有違工作犬應有嘅冷靜性情,所以我而家見到導盲犬,又或者係工作犬,我學識冷靜地去摸佢、同佢哋打招呼。」宣萱說。

9L0A6270

提到台灣近日有七十多隻狗狗,在送去收容所途中,在車內意外被焗死,宣萱覺得這個問題,值得大家去反思:「我以前會覺得,人道毀滅動物好殘忍,但諗深一層,如果大家冇能力照顧,又或者動物本身好多病痛,就算你救咗佢哋,長遠去睇,又係咪一件好事呢?」

宣萱認為養動物,除了三餐一宿,最重要是付出愛心和時間,她說:「我而家有2貓、3狗,我覺得已經係極限,因為你要花時間去照顧、去教,我屋企幾隻狗狗有時都會打交,如果我繼續再養,會對佢哋唔公平,總言之養動物前,要先考慮自己嘅能力範圍。」

至於工作上,宣萱透露快將拍劇,但詳情要稍後公佈。

「對方想保密,所以未論得,但嚟緊都好忙,會去上海做活動,亦有好多工作傾緊,呢排成日睇合約開會,搞到自己好似返緊office咁。」宣萱說。

另外,香港導盲犬服務中心主席張偉民,今天還帶領 20 隻導盲成犬和 5 隻剛滿月不久的「香港第一胎人工受孕導盲犬 BB – 五小福」現身,初次總動員全體會見傳媒,進行導盲犬家族大晒冷。

為秉承導盲犬服務中心一路以來的本地化發展,宣萱即場頒發「愛心小徽章」予「五小福」,象徵牠們將會獻出一生,為視障人士服務,替導盲犬各師兄師姐薪火相傳下去。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。