FTIsland主唱洪基襲港 與粉絲共渡情人節

去年8月Ftaland在香港舉辦演唱會之後，成員李洪基為歌迷兌現承諾，上星期日再次來港，於亞洲博物館舉行個人演唱會。演唱會以radio live show形式進行，一邊為大家解答問題，一邊大唱情歌，包括7年前有份演出的熱爆韓劇《原來是美男》的歌曲＂依然＂及國語版＂牽著你的手＂，還有《百年的新娘》主題曲＂還未說出口的話＂，《繼承者們》的話說 (只是)等等盡顯唱功。

記者：yasuyuki

延續《原來是美男》的Jeremy本色，活潑鬼馬的李洪基全程表情多多，又經常擺出賣萌姿勢冧得粉絲頻頻尖叫，用廣東話自hi「我最近好開心」更與粉絲齊唱＂財神到＂。而在答粉絲問題環節時勾起自己不少旅行趣事，當中一位女粉絲話自己鍾意左個男同志3年，一直放不下他，想問洪基意見。洪基竟然一口直接叫她放棄，又或者可以嘗試叫對方男女都受，令在場觀眾哭笑不得。更憶述自己到德國旅行時曾被男子伸手入衫內，佢立即轉身以粗口回應，但發現人家太高大便立即改口話唔緊要；另外還有一次到英國旅行時，被當地男生邀約示愛，佢立即表明自己只係瘋狂咁鍾意女仔，冇女仔就生存唔到嚟拒絕對方。

演唱會台上台下互動尺度亦非一般，從台下送上來的禮物不論是花、公仔、甚至紅酒均來者不拒。甚至公開如果遇到合眼緣的，不論是誰包括粉絲都會主動抄牌。

今次演唱會亦係李洪基個人演唱會的最後一站，對於第一次solo出碟，舉辦個人演唱會都心情興奮亦十分緊張，同時亦期待Ftaland的大碟可以盡快推出。演唱會結尾由生日歌Happy Birthday to Everyone以及一片紅光花海作完滿結束。