石詠莉榮升Hi-Fi小天后 唱片熱賣

石詠莉Sukie近日推出Hi-Fi新碟、晉身Hi-Fi小天后，日前同男友鄧健泓Patrick出席Post76玩樂網音樂分享會，數十名Hi-Fi發燒友出席，場面熱鬧。

Sukie坦言第一次參加這類型的分享會，沒想過即使是黃雨，歌迷依然出席，更有專程由澳門及內地的歌迷來撐場，場面非常墟冚，令她十分感動，更表示：「每一個掌聲俾我嘅鼓勵同感動，真係令我眼濕濕。」新碟銷情理想，Sukie表示在8月7日的AV展特別推出300張連編號的黑膠唱片，但她提醒大家：「賣晒就冇，絕不加印，大家要買就趁手啦！」

Patrick瞓身撐女友，他承認對Sukie新碟報捷感到既開心又感動，「呢隻唱片由零到而家有咁好嘅反應同成績，我好感動，見到Sukie用自己嘅能力得到咁多支持同認同，呢樣嘢先令我最想流眼淚。我哋今日先落去旺角唱片舖，同每一個唱片老細打招呼簽名，我哋亦都好榮幸，新碟喺旺角信和中心三間唱片舖全線斷貨，但新貨好快會有架啦。」他又笑言：「我覺得今次Sukie要請我去旅行囉！」