電影《衝上雲霄》賀歲港產片票房no.1

農曆年假期結束，羊年賀歲片票房戰況激烈，電影《衝上雲霄》截止2月22日(初四)勁收逾港幣$1600萬元，穩坐港產片票房No.1寶座。

由「Cool魔」張智霖、郭采潔、古天樂、佘詩曼、「Sam哥」吳鎮宇和鄭秀文等3王3后的愛情故事，承接電視版《衝上雲霄》之勢，帶給觀眾全新電影感覺，上映以來一直穩坐港產票房冠軍之位，6位戲中主角都表示非常高興，異口同聲認為是羊年好兆頭。最多鬼主意的「Cool魔」張智霖建議香港票房過3000萬元開泳池party慶功，他說:「戲中我同古仔2對情侶都有落水戲，係欠Sammi(鄭秀文)同Sam哥(吳鎮宇)呢對情侶未落水，票房大收梗係要佢哋落埋水，祝願衝上5千萬!」一直嚷著要開拍續集的吳鎮宇笑說:「我同Sammi都有兩場落雨戲，由頭濕到腳，要睇我哋落水?等續集啦!」

女主角之一的佘詩曼得知《衝上雲霄》票房no.1表現雀躍，而且她非常入戲，仲話叫戲中男友，兼航空公司老闆Captain Branson請她去看北極光，她說:「我好想睇北極光，古仔係航空公司老闆嘛，如果佢好忙陪唔到我去，我媽咪可以代替佢陪我，不過空姐呢次我唔做空姐，要做乘客，希望有艷遇啦!」