王宗堯、陳逸寧拍《選戰》 同（床）有火花

港視男神王宗堯（Greg）及「祼背人妻」陳逸寧（Isabel）到茜利妹及邵子風主持的節目《娛樂後援會》受訪，節目一開始茜利妹便直問兩人是否「有路」，她向觀眾陳述：「約阿Greg時佢話一定要約埋Isabel，咁同佢（王宗堯）經理人約好，Whatsapp話聲佢知，佢即時問有冇約到Isabel﹣直頭係『關照自己條女』feel！你地係咪有路？！」而王宗堯則零秒回答：「有！」陳逸寧即時呆了，隨即臉紅！

王宗堯補充：「講笑啫！人地（Isabel）有家室咪害人！其實係拍《選戰》時熟落（之前從未認識），同場（床）戲確有火花，而出來效果都有驚喜。」更劇透《選戰》中，陳逸寧與智叔（廖啟智）也有床戲：「你叻啦！神級（廖啟智）都俾你搞掂！果日如果我唔係要做嘢，我實留喺度睇！」陳逸寧表示：「嘩！果日攰到呀！晏晝搞佢（王宗堯），夜晚搞智叔啊！」哄堂大笑。

問起拍攝大胆戲的底線，陳逸寧謂：「做演員從來冇底線。」表示不會因為人妻及人母身份而怯。王宗堯也表示不會因為「新男神」身份而守身，祼露無底線：「最重要係劇本有需要，而個劇本係合理嘅。」更直認dry，未有新戀情，除了工作，只與兩貓為伍，更不時post兩貓cute照上網娛人娛己。

同場陳逸寧正式宣佈邵子風成為其經理人，約已簽，正式生效。兩人緣起於金鐘（佔領運動），事前素未謀面，一拍即合。

邵子風更即席提議兩人合唱，主打歌就叫《選戰》，邵子風謂：「抽水抽到盡！直頭改編《拾音社》的《Kiss Kiss Kiss》，龍小菌寫詞，蝦頭（楊詩敏）rap！」眾人更即場唱unplug，邊做「kissy kissy kissy」手勢。