謝安琪孖住goldEN週末開 show 入場觀眾有禮物收

謝安琪同師弟組合goldEN今個星期六(9月27日)於麥花臣場館舉行音樂會《二元對立音樂實驗室》,Kay孖住處男開 show 的goldEN特地連日加緊綵排,除練習經典代表作品之外,Kay 近期電台熱播作品 《獨家村》, 另外《雞蛋與羔羊》及各大流行榜冠軍歌 《勢不兩立》,goldEN 最新派台歌 《新城市》 都要加緊操 fit在當晚首次演繹。

Kay表示今次壓都好大:今次演唱會已籌備好耐,甚至練歌練到沙聲,為咗今次音樂會仲特登同goldEN及公司同事反串拍攝多條經典廣告片,作為送俾入場觀眾嘅小禮物,自己睇剪片時都笑到標眼水,當晚大家一齊睇完成品一定笑到喊,唔入場就走寶。

goldEN就表示:每天收工要趕去Studio練歌簡直身心俱疲,希望可以放大假。入行以來從未試過跳舞演出,今次音樂會特地排咗幾隻舞同反串廣告片扮演不同角色以希望突破 goldEN 一直以來的風格。

Kay同 goldEN 於9月29日各自推出最新廣東專輯,為慶祝首次以邁亞音樂 label 同日發行新歌片而特別舉行今次音樂會,購票入場朋友仲可以率先得到專輯禮物包。

浩楠

Stars-hk 創辦人, 希望建立一個只談專業, 不談八卦的娛樂資訊網站。