側田新歌MV《I Miss Love》找 Gin Lee、周美欣、林德信演繹愛情故事 (附圖輯)

唱作人側田日前邀請馬來西亞華裔女歌手李幸倪(Gin)、42吋長腿美女周美欣(Lori)和型男林德信(Alex),三位圈中老友參與新歌《I Miss Love》拍MV,演繹一段錯綜複雜愛情故事。

MV故事是側田與前度女友Gin分手後,與Lori拍拖,但經常錯將Lori當是Gin,有一天在街上碰到Gin與新歡Alex拍拖,竟然漸漸幻想自己是Alex,與Gin仍然恩愛,到底誰是現實?誰是幻覺出現的人物?側田嘗試解釋但又怕劇透,只好笑說:「真係好難講解,導演好叻,喺短短3分幾鐘既MV裏面交代到一個咁複雜既故事。」

雖然難但難不到Alex,他說:「故事係話當你我去咗一個好鍾意既人,然後再發展另一段感情,會不自覺將前度既嘢放喺下一位女友身上,甚至直情將自己都當咗係另一個人。」他清楚講解贏得大家掌聲。

因為其中一幕在側田與Gin的愛巢拍攝,四人就排排坐在大床上接受訪問,側田坦言自己亦曾經歷過這種戀愛階段,他說:「試過同女友分手後試咗另一個女仔,會刻意帶佢去我同前度去過既餐廳食嘢,畀佢聽我畀前度聽既音樂,重演一啲事情。」

身旁的長腿Lori緊張地問:「咁有冇試過嗌錯名?」三人立即耍手表示沒有。她表示自己沒有試過將現任和前度搞亂,她說:「因為分手後相隔好耐先至再有新男友,未試過好快換男友,唔會當男友係水泡!」Gin強調會刻意避開,她說:「我會故意避免呢啲事情發生,會同現任去一啲新既地方。」

MV裏他們戀情錯綜複雜,現實生活中,他們異口同聲表示沒有試過多角戀,Gin笑說:「我好懶,多角戀會好忙好攰,我怕handle唔到,唔想咁忙,所以我好專一。」不過Alex就非常自信,他笑說:「要handle一定可以handle到,不過我未試過!」MV裏高妹」Lori與側田談情,Lori醒目穿著人字拖上陣,側田自爆穿上厚底鞋拉近距離,他揚言現實生活中並不介紹女友高過自己,他說:「當然唔介意,如果一定要搵矮過我既女仔,咁好難有拖拍!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。