張苡澂為音樂劇苦練高難度動作 (附圖輯)

歌手張苡澂（Venus）日前到香港大學為九月份伊館舉行的「繼續寵愛哥哥當年情」音樂會進行排練，Venus表示：「今次每位演員為音樂劇都付出最大嘅努力去演練，在音樂劇中我會多次被人高舉移動再擺出各款華麗動作，我正在落力苦練務求做得更好。」

Venus 為咗增加動作嘅美感，在訂製演出服裝方面亦花咗好多功夫。

為演出意外見「紅」

「之前穿試模版服裝嘅時候唔小心比支大頭針插入手指，當場血流如注！好在嗰陣無整到落件衫，否則就慘啦。所以依家真係要好小心，因為我唔想下次再中一針。」Venus續稱：「幸好最近練習越來越順暢，真係好多謝我師傅（徐家傑）教咗我D鬆筋方法，所以排練嘅時候導師讚我靈活度好高，而且同其他嘅演員一齊都夾得好快！而當服裝方面設計修正好後，可能仲會有更多比較高難度嘅動作都會加入去，我好期待9月10日當晚嘅演出，所以一直都好認真咁去準備同練習。」