打女陳鈺芸 Fit 爆上擂台打拳賽

精通跆拳道女藝人陳鈺芸(JuJu) 本月二十四日再次接受挑戰，上九展Star Hall 擂台出戰”WMC The One Legend” 泰拳46公斤拳賽。JuJu 將面對泰拳擂台經驗較她多的對手，但JuJu無有怕，正在積極備戰和接受世界拳王杜恆霖(Bryan)的地獄色訓練，每日操拳跑步練體能，JuJu自信心十足，將以最Fit 狀態出戰自己第一場泰拳賽事。

日操夜操加上為減磅戒食澱粉質和加工食品的JuJu已達到肌肉多脂肪少既最Fit身形，被問到會否怕肌肉多比人感覺手粗腳粗，JuJu表示自己一向都不喜歡又瘦又無肌肉既身形：「我覺得太瘦既身形又無美感又唔健康，依家時代都唔興模特兒身形啦，依家興馬甲線爆肌身形嗎。自己既肌肉線條越來越明顯都幾滿意。」JuJu也表示有知名攝影師邀請她拍攝一輯騷肌藝術相，雖然還未答應對方邀請，但自己都心郁郁想試下:「都想留返D 美好回憶，用嚟激勵三十年後既自己要繼續運動同練拳Keep 住呢個身形。」