側田前晚(8月4日)在廣州體育館舉行《命硬演唱會(廣州站)》連場驚喜，首先是好友蔡卓妍(阿Sa)神秘撐場，原本只是座上客的她，被觀眾誠意打動「邀請」上台與側田即興合唱，之後側田唱新歌《爽》時勁扭籮掀起高潮，他還笑言：「首歌扭得勁過Psy！」
前晚側田廣州演唱會準時八時十五分開騷，全場座無虛席，各地歌迷拉起橫額和燈牌，更有女歌迷戴閃燈頭飾捧場，非常熱鬧。側田開場即一口氣唱了《好人》、《三十日》、《美麗之最》、《大雄》、《傷追人》和《決戰二世祖》等金曲為演唱會熱身，再唱《Volar》和《未輸》等快歌時與性感女Dancers跳貼身舞。然後特別選唱其偶像張國榮(哥哥)的《風繼續吹》、《追》和《當年情》等歌曲，向哥哥致敬，期間還故意有幾句模仿其唱腔。
當側田準備唱《兩個女人》時，但他突然示意不想唱並向觀眾解釋：「呢首歌係我寫畀媽咪和女朋友，但因為今晚媽咪無嚟到，所以我唔想唱！」但在觀眾掌聲鼓勵下，他說：「雖然媽咪無嚟到，但女友喺度，咁我唱畀佢聽，希望大家都搵到另一半，手拖手一齊聽。」之後他再唱一首為韓籍女友而寫的情歌《Saranghae》(韓文我愛你)，舞台銀幕播出女友在台下冧樣，觀眾哄動，側田即呷醋笑說：「仲以為我唱得好聽所以大家尖叫，原來因為見到佢！」
此外，前晚觀眾亦因為蔡卓妍(阿Sa)神秘亮相而引起騷動，當側田孭起結他準備自彈自唱時，他看見台下的阿Sa，於是即興彈了幾句她的歌，觸發全場起哄，他指揮全場合唱《下一站天后》以答謝她捧場，觀眾卻起哄叫她上台唱歌，結果她被熱情打動上台，還即興與側田合唱她的歌《死性不改》。側田在台上說：「其實可以同阿Sa同台演出係我既夢想，將來你(阿Sa)開演唱會，我一定嚟捧場！」之後阿Sa在微博上載與側田合照並留言：「今晩在廣州看我最欣賞的男歌手側田的演唱會！太好看太爽了！不過突然被拉上台的感覺實在太措手不及了，哈哈！早知道穿得漂亮一點，哈哈！」
完騷後，側田在後台感激阿Sa捧場還上台表演，他說：「佢今晚嚟捧場仲被觀眾熱情打動上台唱歌，真係好多謝佢，咁遠都專登嚟撐我場，而且同我合唱令我夢想成真。其實一直都想邀請阿Sa做我既嘉賓，但一直都夾唔到檔期，今晚真係好開心，多謝阿Sa！」他又笑說：「每次到廣州做騷我都好high，所以依家仲wing wing地，觀眾由第一首歌開始大合唱，今晚我唱30首歌，佢哋就合唱咗27首。我本來前幾日把聲沙沙地，依家都畀佢哋唱開咗！今晚我唱咗首新歌《爽》，觀眾見到我跳舞都好興奮，遲啲睇到MV時仲high！」
