王菀之張敬軒拍攝《迷失表參道》MV (附圖輯)

拍攝當日Ivana和軒仔都刻意提早到場準備，培養情緒，穿上透視內衣吊帶黑絲襪高跟鞋的Ivana，與紳士造型的軒仔ＭＶ中擁抱纏綿，互相挑逗，床戰一幕更要清場，好讓他們盡情豁出去，火辣指數爆晒燈！

曾被好友張敬軒以［吝嗇］形容過份密實的王菀之(Ivana)，早前以性感內衣上陣，為收錄在新專輯 《晴歌集》 翻唱軒仔的 《迷失表參道》 拍ＭＶ。Ivana大打友情牌，除了邀請原唱人好友軒仔擔任ＭＶ男主角，還有2011年憑《志明與春嬌》獲得香港電影金像獎最佳編劇的麥曦茵執導。

王菀之在電視劇「老表你好嘢」中的「晴晴」角色，經常束起孖辮，形象清純，但拍ＭＶ這天她180度大變身，性感造型令人眼前一亮，男主角張敬軒首先看到Ivana破天荒造型，大讚索爆。Ivana 為保持最弗狀態穿著透視內衣和吊帶黑絲襪，自言不敢吃早餐怕有小肚腩，所以當拍了一半之後，她開始嚷着要吃雞尾包，不過她還是忍住沒有吃。拍攝接近尾聲時，她眼見唱片公司高層郭啟華探班帶來的美味的西餅，決定大快朵頤，卻被身旁的軒仔勸阻，引發鬥咀戰，非常搞笑。

首回激戰中場休息，Ivana透露這是她人生第一次如此性感打扮，連自己都非常意外，她說：「呢張新專輯翻唱好多前輩好好聽(口既)歌，賣靚聲，但我都希望大家留意呢個咁高視覺享受(口既)ＭＶ，今次唔止係我幕前最性感，直情係咁大個女第一次，而我同軒仔嘅演出簡直是石破天驚！」

軒仔大讚Ivana索爆造型驚為天人，他說：「我好榮幸獲邀同菀之拍呢首歌嘅MV，其實我哋已經有四年多沒有音樂上合作，今日好開心。當我見到菀之時更加感好意外，好驚喜。

其實菀之身形好好，絕對真材實料，而且佢係一個好專業嘅藝術家，其實非常性感，好有欣賞價值，我以前笑佢高胸低叉，吝嗇身材。」Ivana立即更正他：「我係愛惜自己，唔係吝嗇！」軒仔又說：「我一直都鼓勵佢可以著少啲布。」Ivana說：「著少啲布環保咩？」軒仔抵死笑說：「你食少啲已經好環保！」問她是否為ＭＶ戒食？Ivana自爆：「我無可能唔食嘢，不過真係食少咗好多，而且仲狂玩呼拉圈，好有用架。」軒仔問：「其他部位點減？」Ivana笑說：「其他地方就無辦法啦！因為今次件衫係透視，腰位要無肚腩。」

ＭＶ中Ivana和軒仔纏綿鏡頭，令人看到熱血沸騰，Ivana笑說：「呢首歌係講一啲觸到和觸不到（口既）感覺，喺我哋身上就會聯想到愛情。」軒仔說：「導演要我喺ＭＶ裏飾演菀之（口既）分身，她外表柔弱性感，而我就係佢堅強（口既）另一面！」