鄭伊健昨日現身廣州，宣布下月八日假廣州體育館舉行《Light and Shadow 鄭伊健演唱會廣州站》，記者會吸引半百傳媒採訪，伊健精神飽滿，狀態大勇。主辦之一的林建名送他金色的纓槍和金色的巨型演唱會門票，寓意伊健廣州站演唱會人人搶票，大收旺場。席上播出好友林曉峰和錢嘉樂打氣片段，還有大批廣州粉絲到場支持，令伊健非常感動。
訪問時，伊健被問到哪幾首是他最喜歡的個人作品？他說：「首先係《我的歌》，呢首歌係歌者心聲。記得當年我初出道時，曾經有人批評我年資太淺，無資格唱呢首歌。而我既老師羅文就好鍾意呢首歌，仲喺佢自己演唱會中都選唱過，我每次演唱會都會唱呢首，好有代表性，而唔同階段既我都會演演繹出唔同感覺。另一首係古惑仔電影主題曲《友情歲月》，對我係好有代表性既歌曲。」提到另一金曲《動地經天愛戀過》，伊健笑說：「呢首歌正好達到不同階段和經歷就會唱出不同效果，以前唱，大家都覺得好sad，依家再唱反而表達出開心感覺，好神奇！」演唱會唱國語歌嗎？他說：「會唱一些，看我演唱會的觀眾都是想聽廣東歌，而且我唱國語歌一定不夠內地朋友唱得好。其實我也希望籍着演唱會，令更多人喜歡廣東歌，近年廣東歌市場走得比較辛苦，我也是廣東歌一份子，有責任推廣。」
伊健坦言以前沒有自信，所以感到很大壓力，他說：「無論唱歌和演戲都沒有信心，但現在幾過咁多年，累積了經驗，做事多了自信，這就是成長。」被指是完美男人，伊健謙稱不敢當，在他心目中成熟男人是穩重而且有承擔，他說：「成熟男人想法較穩重，不容易搖攞，年青人思想簡單直接，現在我處事會從經驗出發。」所以他才選擇結婚？他說：「我相信自己，去做喜歡的事才有意思，唔係每個人到同一個年紀都要做相同既事。」婚後有什麼分別？他笑說：「報導上有分別，其實唔係大家諗咁樣一定有分別。」
伊健還透露除了唱歌和拍戲，還心思思想做導演，他說：「其實我有一啲題材喺個腦度，同過一啲圈中人傾過，佢哋都覺得好特別，不過唔得住。」結果伊健被全場記者逼供，他才透露：「其實我諗咗兩個種別，第一個係『抽離』，比較天馬行空，但目前市道唔係咁啱做，第日先講。另一個係反映社會狀態，唔係講我既故事，係講大時代變化，例如我哋係見證資訊發達既過程，依家年輕人無經歷過我哋連call機都無既年代。（唔拍戲？）拍，好劇本就拍，以前乜題材都試吸取經驗，依家揀好玩和開心既電影嚟拍。」對於票房，伊健看得很化：「人有人命，戲有戲命，用心去做，依家票房唔理想，將來重看可能有人讚賞，最緊要拍既過程大家都好用心。」他還引用最近掀起香港熱潮的膠鴨仔，他說：「可能最近大家都壓力太大，唔想睇咁多悲壯嘢，好想見到開心嘢，所以鴨仔出現就好開心，早幾年嚟未必有咁大必反應。」
