浩楠笑話 – California GYM

話說岩岩過去的星期四去左 《浮想聯翩張國榮》演唱會,路過 California GYM 對出條天橋時,有個算係靚女比左張卡仔我,浩楠唸住好心攞左佢啦。攞完之後,行多五步到,個靚女追過黎,比左一元浩楠 (浩楠心唸,比一元我咁好), 叫我擦下張卡睇下有無中,我心唸都一定中架啦,但個心希望唔中,等我快D攞左個 1元走算。

點知真係中,我唸住話趕時間啦,但個靚女話好快,咁我見都仲有10分鐘先夠鐘,好又陪佢去玩下,話晒都收左人$1 咁落去啦,落到去原來填要寫form,咁就填啦,填完後, 話搵個健身教練帶我行一轉,我當然話趕時間啦,但佢又話好快,咁好快又有個健身教練黎左,原來又係女黎,又係靚女 (原來 California 専請靚女既咩)。咁上去跟佢去行個圈,聽佢介紹。最後真係要走啦, 但佢又話要同我 Body Check (點 Check 先姐姐), 原來係 check BMI。

第二日 California 姐姐仔打黎: 浩楠先生, 根據你岩岩做個份 BMI 報告超晒標 woo, 我地而家有個 Plan 好岩你,你只要比$888 就可以全年任做 ….

浩楠: 任做咩先….

姐姐仔: 你唔係唸住我會比你任做呀,做GYM 呀

浩楠: 做 GYM 我無興趣了. (收了線)。

過兩日 xx 保險公司打黎: 浩楠先生, 聽講你 BMI 超晒標 woo, 平時又無做 GYM, 我地有份人壽保單好岩你ED 高危一族架。

浩楠 : 我都唔買保險既 (點解佢知我 BMI 超標既)

再過兩日 保x山打黎: 浩楠先生, 聽講你個頭近woo, 我地岩岩有個位好岩你架, 而家仲有八折。

浩楠 : !@#$%^&*

浩楠

Stars-hk 創辦人, 希望建立一個只談專業, 不談八卦的娛樂資訊網站。