[K韓公社] 這些年採訪過的韓星 —– BTOB

呢個7月,韓迷真係好唔得閒!啲韓星密到黎渡假咁款~~aki都將啲星既行程搞亂哂呀!而岩岩完左個concert既BTOB,唔知你地又有無去到呢?我都送左兩套門票比大家架!你睇下粉絲妹妹佢地幾開心!!無呃你地架~~黎緊仲有好多好野益你地架!記得留意住我啦!!

講反個concert,aki都好耐無出動採訪喇~而BTOB呢次,確係令小妹幾驚豔!以往BTOB不嬲比aki既印象都係跳舞,有時暗黑系但又好搞笑既一隊組合,一直都唔知道,佢地既唱功係咁犀利!聽到都呆一呆,全個演唱會有9成係情歌!!一路都以為同往常一樣,舞曲為主,點知完全係情歌聽證會~聽出耳油呀!

最深刻係,成員SOLO部分,炫植以勁標準國語唱出台灣歌手林俊傑既  <<修煉愛情>>,聽到身邊同事都話,佢係台灣人定韓國人??仲要真係好好聽~全場都忍唔住跟住佢,由頭唱到尾!係MC環節時,佢地講到BTOB七位成員係一道彩虹,少左任何一個,都唔會變成彩虹!炫植一聽到呢兩個字,就諗起周杰倫既<<彩虹>>,仲即席清唱左一段添!!而陸星材就為左答謝歌迷咁鐘意佢係<<鬼怪>>裡面角色,就唱左劇中既OST <<WHO ARE YOU>>比大家聽!聽到全場都入哂神!

佢地仲好識做,走到黎粉絲到近距離接觸!又掟花又掟波波落黎,做足粉絲服務~~aki仲差啲接到成員閔赫既波波架!但始終力量有限,未到就比人截左T^T…但點都好,呢次演唱會真係十分盡興!希望下次OPPA們會帶齊哂六舊腹肌過黎香港啦,唔好再留係韓國啦~

後記: 佢地既APM記者會採訪,小小活動照,同大家分享埋啦!

 

 

 

 

Aki C

大家好!我叫Aki呀!雖然個名好日本,但我都係偽韓人一名,只要係關韓國既野,不論KPOP、韓劇、韓食、韓景點乜乜乜….都關我事架!而我係到都會分享下我同韓星合作過既所見所聞,當然唔少得去韓國玩既趣事啦!希望大家多多指教呀! FACEBOOK: Aki Sakura