趙展彤 VAL 新歌《尋人啟事》首度一手包辦曲詞編監 隔空與18年前自己對話　

歌手趙展彤（VAL）近日推出新歌《尋人啟事》，今次以尋回自己做主題，MV中更以AI方式呈現11歲的自己同場的一幕。

為了宣傳今次新歌，VAL更以AI與18年前的自己對話，片段一開始，VAL與小時候的自己成功接通電話，小VAL問VAL：「好似有啲熟面口，點解好似同我有啲似樣。」VAL說：「因為我係18年後嘅你。」兩人其後互相大談近況，VAL表示母親已成為KOL，小VAL再問甚麼是KOL，VAL解釋指是那些拍片放上網而成名的人，小VAL反問：「即係放上Xanga同Yahoo Blog 嗰啲？我好鍾意玩尼奧寵物。」VAL答道：「我冇玩好耐啦！」勾起很多人的不少童年回憶。

VAL更找來一班《超級巨聲》嘅老友重聚拍片，包括有許廷鏗、謝東閔、何雁詩、駱胤鳴、陳慧敏、譚嘉儀等。對於都同一條「如果見到當年既自己，你會同佢講咩？」的問題，有人感性，有人幽默回應，但每一句都是對過去的和解及對夢想的堅持。

2009年的VAL站上《超級巨聲》舞台，豈料換來的是網民鋪天蓋地的惡評、嘲笑、甚至人身攻擊，當年的她只好默默承受。但她多年來從未放棄音樂夢，近日更創作新歌《尋人啟事》，以歌曲對當年只有11歲的自己講多謝，幫自己捱咗咁多難關，正如歌詞所講：「我要搵返呢個細路，多謝我想親口講，對佢所有傷害，子彈我要用我心口擋。」她希望透過歌曲同所有曾經被否定、被傷害過的人講：「雖然條路未必好易行，但你要感謝version 1.0、2.0 既自己，慢慢令你進化到依家最update既version。」

講到今次一手包辦所有作曲、填詞、編曲、監製，VAL表示在混音上曾作出了多次更改：「整極都唔滿意。想將個音效加上去，有尋人同emo感覺。點樣做到嗰空靈感都搞咗好耐。」