Jason 陳柏宇演唱會主題曲〈快照〉MV 正式上架 MV 輯錄演唱會片段 記錄 Jason 與歌迷一同的重要時刻

Jason 陳柏宇早前完成一連三場《Sony 呈獻：Jason Chan Live in Frames 20週年演唱會》，期間首唱了由 Jay Fung 馮允謙作曲的演唱會主題曲〈快照〉；第二場演出更邀得 Jay Fung 擔任嘉賓合唱這首歌曲的英文版 demo〈Up and Down〉，為全場觀眾帶來驚喜。昨晚 〈快照〉MV 正式上架，讓樂迷在細味歌曲之餘，亦能重溫 Jason 這次演唱會的精彩點滴。

MV 輯錄演唱會片段 記錄歌迷與 Jason 的重要共同時刻

由於〈快照〉本身是演唱會主題曲，今次 MV 特別輯錄了由籌備到正式演出的珍貴片段，包括：練歌、入台綵排及台上表演的畫面。樂迷除了能透過 Jason 與台前幕後的互動，捕捉屬於他演唱會期間的每張「快照」外，MV 亦收錄了歌迷拍攝的鏡頭，以及 Jason 在演唱會期間記錄下來的台下互動，共同留住這份珍貴回憶。相信樂迷伴著欣賞 MV，定能憶起《Live in Frames》數晚珍貴回憶，感受更深。

Jay Fung 盛讚 Jason 對音樂充滿熱誠 透露：「唱歌老師都係 Jason介紹！」

Jason 在邀歌時堅持不希望 Jay Fung 刻意為他量身打造，唯一要求是寫出他自己喜歡且感到自豪的作品。提及這次合作，Jay Fung 十分興奮，更盛讚 Jason 對音樂與生活的熱情：「Jason 唱得好就唔使講！而佢對於人生或者音樂上面都好多睇法，加上佢對音樂嘅 dedication 我係非常欣賞！」Jay Fung 補充，每次與 Jason 碰面都會聊起音樂：「就連我而家嘅唱歌老師其實都係 Jason 介紹！」提及〈快照〉的創作方向，Jay Fung 笑言起初聽完要求也有點「頭」，後來細聽 Jason 舊作，決定跳脫常見的情歌框架：「因為 Jason 好多作品都係 ballad 嘅情歌，相信都好多人會寫俾佢，所以我就決定寫啲喺 Jason library 唔會成日聽到嘅作品！」

詞人雷暐樂受 Jay Fung 英文 Demo 啟發

Jay Fung 表示創作時代入了 Jason 的父親身份，思考他想教導小朋友甚麼：「突然間我就諗到最 simple form 去講人生就係『up and down』！所以就寫成而家 demo 嘅 hookline，去解釋人生好似 roller coaster 咁一定會有起伏。」而這句 hookline 亦成為詞人雷暐樂以〈快照〉為題的靈感來源：「諗起去主題樂園玩過山車最後衝落去嗰下會影張『快照』。張相（快照）捕捉咗呢趟旅程當下最真實嘅情緒，有幾投入、點投入法，會喺張相度睇得一清二楚。」最終令歌曲完美連結創作意念、Jason 自身與演唱會《Live in Frames》的主題。

此外，「雙J」Jason 與 Jay Fung 更預告，將會重新錄製演唱會上合唱的英文版〈Up and Down〉，讓歌迷再度重溫這份驚喜。