練樂儀Alina Lin 出戰 「MFI國際美人魚及水舞比賽韓國站2026」

藝人兼「香港美人魚冠軍」練樂儀（Alina Lin）早前代表香港，以香港唯一參賽者身份遠赴韓國，出戰 「MFI國際美人魚及水舞比賽韓國站2026」（Mermaid and Underwater Dance Competition Korea Cup 2026）。她與來自越南、台灣、日本、荷蘭、泰國等世界各地的高手同場競技。全程孤身一人飛往比賽，從濟州轉機到清州，在冰凍的水族館內完成賽事。Alina 說：「全程得我一個香港人參賽，不過我成日自己飛來飛去工作、商演、比賽，已經習慣咗！但今次特別辛苦，因為係零下氣溫跳水族館，真係凍到震。」

比賽場地位於大型水族館內，由於當時天氣好凍，一落水後寒意刺骨。Alina 回憶道：「零度嘅天氣下落水比賽，真係好辛苦！但我堅持要讓世界各地睇到有香港人魚參加賽事，就算出錢、出力、出心、出時間，都要頂硬上！」

她為此次賽事，苦練了不少時間，因為賽中有不少「魔鬼細節」的常規指定動作極為艱難，說：「我要一口氣下潛，連續做七個流暢又穩定嘅水中指定動作，仲有好多旋轉同自轉嘅游動。為咗練好這套動作，我係出發前不斷反覆練習，練到試過喺水底頭暈、嘔吐，體力透支，好彩比賽中都順利可以完成！」

此外，一向鍾情於水中拍攝的 Alina，早前特別拍攝了一輯 「水底復活節」主題靚相，在水中扮成兔女郎，大騷美好身材，為節日增添夢幻色彩。