陳茵媺出席ELEMENTS圓方 「Merry Dreamscape: The Gifting Magic」活動 與觀眾一同欣賞聖誕精靈匯演

今日ELEMENTS圓方邀請到Aimee陳茵媺現身出席商場活動。經常在社交媒體分享家庭鬼馬互動的Aimee近日拍劇復出後密密工作，被問到小朋友曾經為她做過最貼心的舉動時，即刻笑笑口甜到漏表示：「我好鍾意收到小朋友親手做嘅禮物，整得靚唔靚都係其次，最重要係親手做嗰份心思！之前喺母親節，小朋友試過用一啲循環再造嘅物料整咗啲小飾物送俾我，覺得佢哋好叻好有心思。所以禮物真係唔需要貴重，其實收禮物嗰一刻(moment) 同背後個意義先至最重要。」

Aimee人美心善，一向熱衷參與慈善工作。今次商場與本地慈善團體Box of Hope合作，顧客可以透過網上捐款為弱勢小朋友送上聖誕祝福，她就認為活動背後意義重大，呼籲大眾一齊參與：「其實以前細個喺加拿大，爹哋媽咪都會帶我去做義工，所以都好希望有機會同小朋友參與慈善工作。呢個世界仲有好多小朋友可能連一杯水、一支筆都得來不易。要珍惜自己所擁有之餘，如果有能力可以幫到人就盡量去幫，希望佢哋可以從小開始從體驗中學習施比受更有福嘅概念。我覺得今次ELEMENTS圓方同團體合作推出嘅籌款活動好有意義，大家可以趁住聖誕節一齊做聖誕老人，其實只需要少少心意已經可以帶俾小朋友一個好開心嘅節日祝福，同時又可以換到張明信片，將節日祝福再傳開， 各位都要多多支持！」Aimee亦與現場觀眾一同欣賞商場的特備節目—聖誕魔幻劇場，更進入神奇魔幻盒子感受魔幻力量！Aimee就認為盒子內的氣球和鏡像設計十分有趣：「如果小朋友喺度一定會同自己個鏡像倒影玩到唔願走！頭先一班專業舞蹈員嘅音樂舞蹈劇都好精彩，舞蹈同故事都編排好完整，今次呢個聖誕活動好充實呀！一定會帶埋屋企人嚟睇多次，同佢哋過一個充滿氣氛嘅聖誕。」最後Aimee藉機鼓勵現場人士，除了要帶小朋友來ELEMENTS圓方體驗今次的聖誕裝置之餘，亦可以參與義務工作，齊齊度過一個充實的假期。

今個冬日，ELEMENTS圓方為大家呈現最奇妙聖誕企劃「Merry Dreamscape: The Gifting Magic」。聖誕老人相約一眾小精靈來到ELEMENTS圓方陪大家渡過最暖心聖誕節，為家長及小朋友送上無限驚喜與歡樂。幻影小精靈們更會靜悄悄地藏身在聖誕老人精心設計的神奇魔幻盒子，等著各位大駕光臨，隨著每小時一次的魔幻劇場，與大家分享聖誕故事。在12月指定日子更有多項精彩節目，包括曾獲香港舞蹈年獎「傑出男女舞蹈員獎」的知名舞者潘翎娟及麥卓鴻編排的音樂舞蹈劇﹑合唱團動人心弦的演唱及管弦樂韻表演，最適合相約親友摯愛一起欣賞，迎接佳節來臨！ELEMENTS圓方一直積極參與慈善工作，今個聖誕再次邀得本地慈善團體Box of Hope聯手推出節日限定的籌募活動，顧客只需捐款港幣50元或以上，即可化身聖誕老人為弱勢兒童送上窩心的節日溫暖。