練美娟童心未泯攬實「毛毛」狂打卡《怪獸公司》Merry GIFTmas @Cityplaza

今個聖誕，適逢迪士尼與彼思經典動畫《怪獸公司》上映20週年，太古城中心推出特別企劃，由即日至2022年1月2日期間為大家送上「Merry GIFTmas @Cityplaza」聖誕主題活動，將商場二樓中庭及中橋打造成首個「怪獸公司」主題大型裝置，招募大家加入「怪獸公司」，化身派送員將禮物派送給大人小朋友，傳送聖誕快樂能量，讓大家齊齊於太古城中心「LIVE HAPPY快樂識放」！

一向予人開心果形象的練美娟（娟姐），早前拍竣ViuTV新劇《反起跑線聯盟》趁得閒，即往太古城中心的「Merry GIFTmas @Cityplaza」聖誕裝置打卡。至愛動畫《怪獸公司》的她，甫見到化身聖誕老人派禮物的「毛毛」，立刻衝上前攬到實合照，之後還作狀幫「大眼仔」捧禮物，十足大細路！走進「阿Boo 快樂睡房」時，看到細細粒的「阿Boo」站在床邊迎接她，娟姐又興奮大叫：「真係好Cute呀佢！」並急急腳坐在「阿Boo」旁邊大影特影。

憑港版《大叔的愛》八卦同事「Carmen姐」一角人氣急升的娟姐，近期廣告及商演接踵而來，可謂豬籠入水，她直言工作量是入行以來最多的一年，合共6位數字進帳，問到會否買份大禮獎勵自己？曾經歷半年零收入兼被迫住劏房的娟姐說：「我會儲起啲錢，因為我係一蚊都種落泥土嘅人，從來唔賭博亦好少投資，呢種性格係由細生成，畀好多錢我都係婆仔性格。」雖然她自嘲好慳家，但聖誕將至，娟姐透露正物色小禮物送給好友，希望為大家製造快樂驚喜。追問聖誕節可獲男士約會？單身的她表示：「仲未有，但都唔會覺得Lonely，因為有家人朋友陪伴，其實一大班人一齊慶祝仲熱鬧啦！」