王漢勛Dave新歌出爐 o3鐘雨璇任「羅拉」女主角

歌手兼排舞師Dave王漢勛日前新歌「羅拉」終於於網上發佈，新歌內容除咗有性感舞步之外，仲會帶出咗其實Dave係愛情觀上同價值觀上嘅大轉變。參演方面邀請到O3鐘雨璇及舞蹈家毛維參與女主角及男配角部分。Dave王漢勛2021年最新個人單曲《羅拉》，重回舞曲陣列的第一炮！《羅拉》歌詞是借用經典電影和遊戲角色，去表達對愛的勇敢，以及對夢想堅毅的追求。

「羅拉」的剛性，突破了一般女性既定的温柔，從而生出探討男女性別角色顛倒的意念：女性既可陽剛、男性亦可陰柔嗎？曾子揚作曲編曲，文探花填詞，Samuel Tam監製，加上Dave以中性及略帶惰性的歌聲演繹，製作了這首既跳脫也不覊的舞曲《羅拉》。而o3鐘雨璇是Dave非常欣賞的女藝人之一，其中的她對工作的堅毅精神，「羅拉」女主角便非她莫屬。

DAVE直言:「以前再細個嘅時候唔識珍惜身邊人，去到好多時候人走茶涼嘅時候，我哋先至覺得嗰個人嘅付出，其實係好難得，不過踏入三字頭之後，慢慢體會到一種心胸開闊嘅感覺，對好多人同事都抱有感激之心，都對每種離離合合都給予尊重。」

「另外其實MV嘅我係以前嘅自己，受到愛情嘅創傷，變得放縱，落去酒吧麻醉自己，其實呢種感覺係清醒過後唔好受，更傷害自己身心。倒不如全心工作，提升自己後更會尋找到更合適的緣份。」

Dave更坦言，音樂其實代表每一個階段的自己，無論每首作品成敗也好，也是熱愛音樂的一種堅持，對於一位獨立歌手，這種堅持實在珍貴。Dave祝願大家遇到自己嘅真愛，對愛失望嘅人搵到你哋嘅「羅拉」。