鐘雨璇《Be My Part Of Life愛寵心語 》慈善寵物書舉行發佈會

鐘雨璇O3(前名:蘇慧恩)與寵物義工露卡斯及中日寵物傳心義工Cecilia Shing聯合推出《Be My Part Of Life愛寵心語 》慈善寵物書,日前邀請到兩位寫序嘉賓全民造星3 高晉 (Ken Law)及曾頌珊 (Kiddie Tsang) 舉行活動,O3 及Kiddie分別帶同愛貓及愛狗到場。

書迷會上O3 非常感謝兩位寵物義工一起幫忙編輯,完成這個心血結晶品,O3 表示:「因為今次想慳啲錢,盡量捐多啲錢救助小動物,所以好多嘢我哋都係一手一腳自己整嘅,今次係我地三個人人生第一次去排版設計本書,真係整咗好多個通宵,整吓整吓對住部電腦真係瞓着咗都唔知,好彩總編輯露卡斯屋企啲貓貓嘈醒我咋!同埋佢啲兔仔同貓貓覺得我霸住佢地媽咪又會揼腳又會不停喵喵喵,諗起都覺得好搞笑!我哋連搬啲書,將啲紀念品入膠袋都係自己一手搞架,不過拎到本書睇到嗰一刻又真係好開心,好有滿足感,所以就算幾辛苦都係值得!」

高晉的狗狗與Kiddie 家中的狗狗為兩兄弟,兩位都是愛犬之人,高晉表示:「記得細個嘅時候好驚狗,因為俾狗追過咬過有陰影,但係大個咗知道有寵物需要領養,即刻屋企都養返一隻,其實我覺得可以幫助小動物之餘,屋企仲多咗個伴真係好開心!今次O3邀請我寫呢本書嘅序,我當然即刻應承啦!因為自己都好想幫多啲流浪嘅小動物搵返屋企!」

浩楠

Stars-hk 創辦人, 希望建立一個只談專業, 不談八卦的娛樂資訊網站。