娜美自嘲無出息痛哭 莫麗淇Niki機師轉型做歌手

秦楚瀅 Nami (娜美)、莫麗淇 Niki、楊嘉娜 Kanna、姜浩恩 Tracy日前為直播平台UpLive拍攝廣告,娜美剛完成電影《PTGF出租女友》拍攝,坦言媽咪頗為擔心,令她不禁落淚痛哭:「因為由細到大媽咪都好擔心我嘅,佢知我入呢行都好驚我會唔會比人呃,但又想支持我追夢,淡淡言講咗句『小心啲囉』,早兩日母親節佢問我『夠唔夠錢洗,洗唔洗媽咪比啲錢你傍身?』,搞到我好似好冇用咁!」

娜美就話同鄧月平最多同場,笑言與對方「冇得鬥」,直指自己身材不及對方:「大家都知平平又靚又瘦,搞到我好大壓力,好在佢都幾照顧我。其實拍攝期間我患上厭食症,聞到嘢食都好想嘔,覺得自己瘦到好核突!依家都聽啲Fans話,食翻多少少嘢,做直播除咗搵錢之外,仲可以幫電影做宣傳,一舉兩得!」

同場的莫麗淇 Niki為前機師,早前轉投主播行列吸粉絲,呢日宣傳進軍樂壇派歌做新人: 「之前都試過作歌比Fans,依家準備派歌上電台,首歌叫《最悲女主角》,係我感情路嘅寫照,仲要自己投資5位數做歌同拍MV,都幾肉赤。拍MV當日都幾大風,吹到個人留晒鼻水,好在唔係中咗招咋!」

浩楠

Stars-hk 創辦人, 希望建立一個只談專業, 不談八卦的娛樂資訊網站。