陳頴嵐簽約66文化傳播 努力裝備自己 向全能藝人目標出發

陳頴嵐（嵐嵐）舞台劇出身的佢，最近接觸更多的幕前工作，由演員丶歌手到主持，樣樣都想試，又樣樣都肯學肯做！

一向形象大癲大肺的佢，直言從認真情深的歌手mode，跳去搞gag冇底線的主持mode，有時都怕自己拿捏得唔好，觀眾會唔知點睇嵐嵐尼個人，不過嵐嵐坦言，好多時觀眾睇到的未必係真，真嘅又未必俾觀眾睇到，所以做得尼行，只能夠不斷地做好自己，用時間丶努力同實力去說服人。

嵐嵐希望成為一個全能藝人，佢知道要兼顧好演員丶歌手丶主持3個角色，條路好長，但起步一定要唔怕瘀丶夠膽試丶唔可以怕錯或者自己唔夠好就唔做，要越做越勇，越挫越強，咁先學到野，經歷累積返嚟的經驗，就係日後嘅實力。

由小到大都參加歌唱比賽的嵐嵐，原來一直都冇接受過專業的音樂訓練，一直都係靠睇YouTube 丶歌手的live去模仿人地的表演，直到大學畢業之後，自己搵錢就開始不斷培養返自己的專業，去學唱歌丶學跳舞丶學彈琴，甚至特登去打拳，操fit d 自己的體魄，希望有機會拍動作戲既時候，自己個狀態同身體都係隨時 ready 。

大學本科唔係表演的嵐嵐，坦言自己乜都唔識丶唔識人又冇後台，曾經比人問，憑咩學人發明星夢，果陣時唔識答，而家成熟左，嵐嵐覺得夢就係用嚟發，重點係有冇決心同行動去發尼個夢，所以最近嵐嵐就和66文化傳播合作。希望可以接觸更多幕前機會，磨練自己嘅實力。