《等一個擁抱》 李璧琦讚龔柯允性格直率 拍攝空檔跟陳友齊jam歌

演得又唱得的李璧琦（Becky）在新戲《等一個擁抱》中與龔柯允（Karen）飾演兩姊妹，兩人童年時被戲中父親陳友拋棄，長大後作為大家姐的Becky既要照顧患上腦退化症的陳友，又要到馬來西亞勸妹妹Karen回港原諒父親，不少戲份都相當椎心，其中一場Karen與陳友吵架吵得面紅耳赤，令在門外的Becky非常難過，相似的情景更勾起她埋藏多時的童年單親家庭不愉快回憶，最終看回放時忍不住觸動落淚！

Becky透露當日拍攝的場口正是自己主唱的主題曲《記憶的碎片》出現的情節，因此當日邊拍攝邊播歌，令一家人都非常入戲，感受很深刻，而家人大吵大鬧的情景更曾經發生在Becky的童年身上，Becky說：「童年時父親離開咗屋企，相隔好多年後父母因為要討論一啲事而再見面，當時我已經長大成人，當晚我準備踏入家門時聽到父母鬧交鬧得好大聲，呢個畫面、聲音同戲入面情節好相似，當時嘅我就離開咗屋企同不由自主咁喊，直到近年我有機會去諮詢專業人士，原來我好細個時嘅恐懼一直無處理到，所以一聽到差唔多嘅聲音、加上同樣企門外面潛意識有好多感覺衝出嚟，係控制唔到，所以呢個場口對我嚟講好真實！」

雖然拍戲勾起傷心往事，但其實今次Becky與Karen、友哥合作拍戲是非常開心，Becky大讚妹妹Karen十分直率，與角色性格表現得很相似，因此相處得好自然。Karen則指與Becky、友哥都是音樂人，因此大家在拍攝空檔時就會一齊討論音樂，Karen說：「有時拍攝空檔友哥會俾音樂片我地睇、一齊傾下，或者友哥講起某隻歌就會起beat，我哋一齊唱，間中仲會一齊jam歌，大家多咗默契！」

《等一個擁抱》由真証傳播出品、陳永文監製、王炳雄執導、陳友、龔柯允、李璧琦、何基佑、李任燊等演員攜手演出，並在大澳、馬來西亞取景，將於本周四4月15日公映。