許嘉浩、宣娜、李紫彤鍾情日本文化

日前著名形象指導許嘉浩(Karl Hui) 連同「17第一女主播」宣娜(Sheena) 和「小龍女」李紫彤(Crystal),在港出席日本手作藝術活動,穿上日系可循環製造環保物料衣飾的Karl表示欣賞日本人將環保分類做得好好,仲將物料成為可持續發展資源。談及最近國際品牌對於採用衣飾物料的取態,Karl表示有留意並指身為形象指導,設計衣服時會揀優質物料同考慮環保因素。好似自己身上設計師造嘅環保服裝,料輕身舒服又乎合綠色生活的標準。

而同場出席嘅「17第一女主播」-宣娜(Sheena) 同「小龍女」李紫彤(Crystal)雙雙分別都喺年頭推出其新春寫真月曆都賣斷市,相當興奮。兩女都話一向鍾意日本文化同食日本菜,話嘢食賣相精緻又唔肥。


Sheena表示平時自己唔係好識飲酒,但對清酒就情有獨鍾,自己下廚時都會同女閨密飲番兩杯清酒。仲話之前為拍攝寫真集減肥都係食日本刺身為一餐,減少食澱粉質。

而Crystal就話由於自己係忠實Hello Kitty迷,自細已經好留意日本網店嘅卡通精品。鍾意做小手工嘅佢仲會參考日本卡通為自己拍攝寫真相片時DIY整頭飾。兩女都話繼寫真月曆大賣後現正再下一城籌備緊暑假推出嘅寫真集。佢哋都話暫時飛唔到,唯有喺香港搵啲異國風情嘅外景拍攝,仲話唔會視對方為對手,唔介意交換靚景位置情報。

Karl 疫情下親身飛唔到去日本,但日本設計師都會空運設計的衣服及飾物比Karl。Karl指將會在嚟緊復活節參與尖沙咀集合唔同KOL同明星合辦的慈善市集。除咗有日本及台灣空運過嚟嘅飾物之外,仲有Karl自家製嘅手作同復活節版擴香石,為『願望 · 愛』行動行善籌款。活動中仲有為香港人集氣許願嘅環節,到時Karl會擔任主持,收集市民嘅願望同弱勢社群期望需要嘅物資。之後會喺慈善平台上集合資源,分配比許願及有需要物資嘅人,發放正能量。

浩楠

Stars-hk 創辦人, 希望建立一個只談專業, 不談八卦的娛樂資訊網站。