施匡翹、謝志豪拍空氣清新機廣告 扮演情侶默契十足


施匡翹(Zaina)、謝志豪(Don)日前為消毒品牌YHKcare拍攝殺菌空氣清新機廣告,二人默契十足扮演情侶,即使打情罵俏亦無難度。Zaina笑指年前喜獲音樂獎項,隨即接拍廣告走勢凌厲,相信今年將「大豐收」:「呢個時勢有廣告拍係好開心,仲可以同師兄謝志豪合作,由MV夾到拍廣告,佢真係睇住我喺呢行成長。今次拍攝防疫產品廣告,其實好多人都會問我呢個問題,佢地認為我有抗體唔洗驚,但係我比以前更加緊張。」

Zaina就話之前不停買「防疫產品」,現時得到廣告商贊助「慳唔少」:「因為我地做呢行,不時見唔同嘅人,家人都會好擔心,依家搵到可以殺菌、消毒嘅防疫產品,咁佢地放心比我返工。最近都忙緊拍劇同錄歌,難得有唔同嘅機會,所以好感恩!因為片場個個都係前輩,唯有自己睇多啲,見到人地短短一場戲,成份戲本都寫滿晒,真係明白成功要付出。」

謝志豪話剛剛新年與家人團聚,放鬆心情盡情吃喝,但假期過後要積極修身,而Zaina就感謝經理人過年期間幫忙排通告,令她不敢放肆「暴飲暴食」:「因為呢排都要上電視節目,怕食太多上鏡唔靚,都要忍吓口!呢排拜年逗利士,為免啲長輩追問我幾時成家立室,我都識做送翻啲贊助嘅消毒噴霧比佢地,祝翻佢身體健康轉移話題。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。