倪辰Lala新城做直播節目 多謝程凱欣范振鋒照顧

倪辰Lala話：今年平安夜好特別因為係第一次喺工作中渡過。以往曾經試過非常之難忘嘅聖誕，就係試過喺聖誕節正日失戀。所以真係非常非常之深刻。好好彩今年因為冇拍拖，所以唔使驚失戀。但係如果真係失戀嘅話可以聽返我嘅最新派台歌《失戀症候群》，希望呢首歌可以陪伴到你哋渡過難過嘅時刻。

今日好開心可以嚟到新城電台唱咗三首聖誕歌，做直播唱比大家聽。呢三首都係自己揀嘅歌，其中有一首叫做white Christmas (白色聖誕），呢首歌有特別嘅意義，因為以前細個嘅時候係合唱團，曾經試過係好多不同嘅教堂唱呢一首歌，雖然今日嘅場景已經唔一樣，喺新城電台唱同一首歌有另一番感受。覺得自己成長咗好多，而家做咗歌手希望可以用歌聲將歡樂帶給俾更多嘅人。另外今日好開心嘅係因為送咗好多聖誕禮物出去，因為今年嘅社會風氣冇咁開心，希望可以分享快樂俾大家。

今日呢個節目係同程凱欣同埋范振鋒一齊做嘅，好開心兩位前輩非常之照顧我呢位小小新人，仲俾機會機會我唱三首聖誕歌比大家聽，真係非常感恩。