UTO娛樂| 超人的能量 | 林超榮: 一中招，即畀錢

　　抗疫期間，多搭的士，搜集民意。

「的士大哥，你有無去做普及社區檢測計劃？」

「無呀！」

我追問：「點解呀，你係高危行業。」他雖然有點尷尬，話晒我都係客，畀臉作答：「其實，我有點驚？」

「驚咩啦。」

「我好驚中招，萬一中咗招係隱性患者，那就好麻煩。」

我話：「其實，唔知仲麻煩，萬一靜悄悄傳染給家人朋友。」

他開始有點心虛：「總之，人是有惰性，都係怕麻煩。又唔想花時間。」

那麼，社區普及檢測計劃，要全民參與，加入一點誘因就可以。

他說：「萬一驗到中招，又驚隔離十四日，無工開，無收入喎。」

傾下傾下，竟然傾出一條橋來。

「如果，每一個驗到中招市民，驗到中招，即給六千蚊抗疫保障金，你會去嗎？」

「那就不同，我一定去驗。」

本來驗到係壞事，立刻變成好事。司機大哥這一條好橋背後係四個字，搵食艱難。

實情，驗到中招，都係好事，證明找到帶菌者，減少了一個傳播擴散機會。其實，普及檢測就好像捐血，付出了時間、心血，能造福人群。

社區檢測都是一樣，證明自己無病毒，少了一個傳播機會，能讓社會快一點回復正常的機會。

既然大家都認為，入餐廳前量度體溫證明客人無發燒，是有效的預防方法，那麼，參與社區檢測，證明自己不帶病毒，為己為人，盡快康復香港，有何不可！

林超榮