溫碧霞開拍首部法國電影《Happy night》進軍國際


溫碧霞(Irene)已平安抵達巴黎為第一部進軍國際的法國電影《Happy night》(暫名)開工,Irene到埗後只休息了一晚,第二日馬上開工,只是開工拍了3天,昨天星期日(16日)已經可以休息一天,但她沒有出街,留在酒店休息及睇劇本做定功課。

Irene心情靚靚睇嚟拍得好開心:「我哋拍得好順利,導演非常nice,劇組所有人都超nice,幕後大部份都係法國人,演員就係中國人,大家都好合拍,合作得好開心,劇組超級好呀,每日準時早上9點或10點開工,晚上7點準時就收工,星期日一定休息,所以今日星期日(16日)我哋放假不用開工。」

有冇趁放假出去血併拼購物?她爽快答:「冇呀,冇出去呀,都好攰呀,想留喺酒店休息下,做下運動,因為我哋喺郊區取景,喺酒店附近散下步就算,冇出去市區購物,坐車到市區好遠要兩個小時,寧願留時間抖足精神及睇下劇本做下功課。」女神果然工作時工作,購物時購物,工作時非常專業。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。